لـــ عشاق بدر بن عبدالمحسن...

شآعر صاغ الحروف بإحتراف لينقش لنا على الورق أروع وارق الأحاسيس وأعذبها..










الشاعر × بدر بن عبد المحسن ×



لـ كلماته رونق خاص

بـ عذوبتها تعانق الأرواح وتحلق بها الى عالم آخر .. ღ

تذكٌر .. صوتك يناديني ...

تذكر ... تذكر ...

تذكر الحلم الصَغير ...

وجدار من طين وحصير ...

وقمَرا ورا الليل الضرير ...

على الغَدير ...

لاهَبٌت النسمَة تكسر ...

جيتي من النسيان ...

ومن كل الزمان ...

اللي مَضَى ... واللي تغٌير ...

صوتك يناديني تذكٌر ...

ناديتي ... خانتني السنين ... اللي مَضت راحت

ناديت ... ماكن السنين ... اللي مضت راحت

كنا افترقنا البارحة ...

البارحة .... صارت عمر ...

ليله ... أَبَدْ عيٌت تمرٌ ...

ياجمرة الشوق الخَفي ...

نسيت أنا وجرحك وفي ...

يتذَكر الحلم الصغير ...

ريانَة العُود ... نادي ...

نادي الليَالي تعُود ..

بشوق الهَوى ... بوعُود ...

بوجهي اللي ضيعته زَمَان ...

في عُيُونك السٌود ...

ياالضحكة العَذبة ...

عَنك الصٌبر ... كِذبه ...

وفيك العُمر موعود ...

اشتقت للحلم الصغير ...

واشتقت لجدار وحصير ...

وقمَرا ورا الليل الضرير ...

على الغدير ...

ان هبت النسمَة تكسر ...

ياطاري الغدران والعمر [ رشفه ]

مع قلها..

ياليتها يوم تصفي..

ليت الشوارع تجمع أثنين صدفه..!

لاصار شباك المواعيد مجفي

الحب واجد..

مير الاقدار صلفه

والأرض واجد..

لكن الحلم منفى

واللي اعرفه راااح ماعاد اعرفه..؟!

ولاظن يذكرني الى أقبلت مقفي

ماهو حبيبي../ مورد القلب حتفه

ولا هو حبيبي../ يفرح بوقت ضعفي !

تجلس عجوز فأول السوق

عند الأبواب وتحت الشبابيك

تبيع السوالف

وأغصان المساويك

ومايخالف لو باعتني حكي

الحكي غالي هالأيام

مريتها ، مريها أبي الكلام

وقلت : ياخالة أنا ..

إن نسوني الناس زعلت

وإن ذكروني الناس .. زعلت

ما ادري وش فيني

بنفسي حروف مبعثرة

ضحكت وقالت : لوعدلت

ارتحت قلب وحنجره

الصحيح ماعطيتها فلوس

على العتب ماريحتني من التعب

قمت وعلى عيوني غباش

مدت لي مسواكٍ طري


وقالت : ببلاش !


إن كانت سنونك نظاف

حطه في جيبك ياوليدي

يجلي محانيك الرهاف

من كل احساسٍ ردي ..

تخيّل


||

تاقف على اطراف الهدب .. وماشافتك عيني

صافحتني ومدري يدك هي لمست ايديني ...

سلم .. ابارد السلام ..

وهذا ترى كل الكلام ..

اللي بقى بينك وبيني ...

تخيـّــل ...

من وين ... ومنين ومتى ...

بالله ذكرني ...

بالله ذكرني ... متى

جيتك انا فـ ليلة شتا ..

تهزني ريح الشمال ...

محتاج انا لبسمه وشال ...

تركتني لبرد الطريق وانا على بابك ..

اتذكر انك قلت لي بالله وش جابك ..

ودعتني قبل السلام .. وهذا ترى كل الكلام

اللي حصل بينك وبيني ...

تخيّــــل ...

اليوم لعيوني السما والارض البعيد ...

اليوم ولغيرك انا يطري على بالي القصيد ...

اشتقت للقلب الخلي ..

وش هم .. لو تعتب علىّ ..

جيتك انا فـ ليلة ألم .. قلبي على كفي ...

همست لي روح ياغريب الشوق مايكفي ...

سلم ابارد السلام ...

وهذا ترى كل الكلام ...

اللي بقى بينك وبيني ...

تخيّــــل ...

اوراقك الصفرا .. خريف ..

والضحكة الصفرا .. خريف ..

ملت .. مواعيد الوله ..

قلبك دله ..

وقف .. النزيف ..

وش عاد .. لو تكذب علي ..

إكذب علي ..

ما عاد .. فرحني غزل ..

ما عاد .. عذبني امل ..

ياحب ناداك الرحيل .. رد الندا ..

إخترت عن عيني بديل .. وكان المدى ..

أعطيك .. وش عندي قليل ..

صرخة .. وصدى ..

اللي بيدي إني اذوب ..

واشتاق لك .. طيف وصور

ولو هو بيدي .. امحي الدروب ..

والغي المواني والسفر ..

وآه من السنين .. يا حبيبي ..

من اللي ما ينسى مين ..

واللي يعيش ينسى ..

ومر الزمن ليلة ..

ليله .. بعد ليله ..

اسهر .. وانادي له ..

وأحيا على .. باقي عطر..

فـ أطراف منديله ...

ويلاه ... يا ويلاه ..

قلبي أنا ويلاه .. أسهر أنادي له ..

وامر شباكه عسى .. تضوي قناديله

يا حبي اللي ذاب ...

ما للزمن أصحاب ..

صدقني ما أدري لمتى ..


إنت وانا أحباب ..

وآه من السنين

لا تنساني .. هذا الكلام اللي بقول ..

لجل المطر .. لجل الفصول ..

لا تنساني ....


..

أنا من عشاق .. كلماته وأحاسيسه العذبه

البدر .. شاعر مميز جميل بأسلوبه وكتابته


دائماً أحب أن ألقبه بــ ( مدرسة الشعر )

لأنه مدرسة بالفعل .


مجرد آمل .. شكراً لكِ على إتاحتكِ الفرصة لنا للإستمتاع بهذه الروائع ..


وأسمحي لي أن أطزر صفحتك بشي من أشعاره .


** ** **

مطر معلق بنصف السما لا ينهمر ولا يرتفع


وكل ما بغينا نجتمع تحت المصابيح الزرقا يطيح منه رذاذ


اما انهمر فرقا و الا تقطع وصل يا ماطر الليل


لا تاقف بوسط السما


لك هالشوارع انما تكفيك ساعه ساعتين


بنشيب وحنّا واقفين تحت المظله ماهو خوف من البلل


لكن حنين للمصابيح الزرقا ولليلةٍ سمراء سماها صافيه


وموعد لعيونها


والله غرفنا دافيه


ولها شبابيك وستايرعلى البروق لكن زهقنا بيوتنا


واللي يخليك اما انهمر والا ارتفع


تمرّ ساعه الا ربع وتو السحاب ما يدري وش يبي


أخاف أسأل صاحبي ويقول خلّنا نسري


وين نسري بدري


بدري على المسرى ورا السحاب قمرا وقمرا ورا الأبواب


تبي المطر يرقا وتهطل نجوم وتظهر علي أنا لو علي


تحت المصابيح الزرقا قلبي بيحوم مثل الفراش


تحت الرشاش والا الصحو لين أشوفك مقبله


والله ضلوعي مبلله بالشوق


وما ودي احاكي صاحبي ولا أساله بيقول خلنا نسري


وين نسري بدري ساعه وربع وحنا واقفين تحت المظله


اما أنهمر فرقا والا تقطع وصل يا ماطر الليل


لا تاقف بوسط السماء