من بقلبه حب.يرفع اصبعه

من بقلبه حـب.. يرفـع إصبعـه

خل نعرف اللـي فينـا يعشقـون

وانـا أول مـن بهامـه يرفـعـه

وكل بوكـم أرفعـوا لاتستـحـون

أشرحولـي وضعكـم أبسمـعـه

وكل واحد له زمن لـو تسمحـون

قال هذا .. هـرج مابـه منفعة

راح يأخذ وقـت تالـي تزهقـون

قلت قـول صدورنـا كلـه سعـه

مانمل ولا نكـل .. مثلـك يمـون

قالهـا يبكـي تـحـدر مدمـعـه

وياكثر غيره تباكـى مـن عيـون

قال انا والحب مـن مبطي معـه

لكن الخاين تـرى طبعـه يخـون

يسلب عقول البشـر ثـم يتبعـه

كل غاوي مايهم من هـو يكـون

يسحرك ثم يامرك بـس بصبعـه

وغصب عنك ياردك عد الظنون

له وجـوه ولـه .. عـدة أقنعـه

هو وجه اليأس في هيئـة حنـون

هـو محـال انـك تقـدر تمنعـه

يغرس أرماح الهوى مثل الطعـون

ياخـذك حتـى خضـم المعمعة

ويتركـك .. إنـا أليـه راجعـون

قلت له اسكت عسـى الله يقلعـه

كدرن هرجه و هيضـت الشجـون

ماني سامـع شـي قلبـي قطعـه

اسمعونـي واسكتـوا لا تسردون

أنا وضعي يختلف عـن موضعـه

وافهموا لكنكم لا تعلـمـون

الهـوى لغـز مـحـدن يزمعه

ومن يفكر فيه .. ترى صابه جنون

فلسفة أنثى ..المهم ألا تصابي بوعكة عاطفية..