فَلْسَفَـة أ ُنثـَے
مديرة المنتـدى ومؤسستـه
الوطــن : في ღ ـــه/ــــها ’
ع ـدد مواضيع هذا العضـو : 363
العمر : 32
المهــنة : ஜ .¸¸ ק ஜ .¸¸ Ďя - 7ăŚ๏
تاريخ التسجيل : 05/03/2009
نقاط : 57765
 |  موضوع: في أحد أيام صديقتي في رمضان |..  الثلاثاء سبتمبر 08, 2009 6:49 am | |
| في احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت 
هم راحوا لغرفهم من هينا ..وانا انطلقت للمطبخ من هيناك 
أخذت لي فيمتو و شبس و طلعت لغرفة التلفزيون مبتهجة
وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وجه كذا >>>>>>>>>>> 
ويطلع أخوي -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية
أخوي : ماصمتييييييييييييي !!!!!!! 
أنا وفي يدي كأس مليء بالثلج وكيس شبس كبر وجه أخوي : ليه أنت صايم ؟؟
أخوي : وجع ..من جدك تسألين هالسؤال ؟ 
أنا بكل ثقة وبجاحة: والله انت بعد سألني نفس السؤال
أخوي: والله انتي اللي جالسة تبلعين وتشربين موب انا 
ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة
ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه 
المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر 
فما كان مني الا اني فجأة قلت له
: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي 
واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخوي بحماس مشبع بالسعابيل المتناثرة التي لامست وجهي
:أجل شف بصراحة أنا مسيحيــــــــة
:لا والله !! قولي قسم بالله
:انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شوي
وتقدر تتفهمني و تحتويني وتحتضني (حسيتني بخرب الولد)
القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
و طفرانين ببعض وانا حسوني دخيلة بينهم
ماادري ليه جابوني بسرعة اذا هم مايبغوني  فجأة شفت عبرة خنقت أخوي ذو القلب الكبير وهو يتابع بصمت وفضول وغباء
طيب ليش أجل تلبسين عبااااااية !! وانتي منتيب زينا < قاطعني أخوي بكل دلاخة
رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات
ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!
:لا كنت أنام في الحصص وفي الاختبارات أغش
واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
اما هذا لنا "مشيرا بأصبعه المشعر إليك " وخذوك معاهم ورحتوا تتمشون
أخوي > 
المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا
وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت
بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتها وأهلي مايدرون وللحين مايدرون
أخوي بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟
لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا
داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام
@#$%#@#$%@#$%@#$%@
جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب 
واشوف ..الا عنوانه Islam ???!!
وافتح الباب بسرعة بشوف من اللي حاطه , الا واسمع صوت باب غرفة أخوي يتسكر بقوة
هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ
طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين
المهم انا عقب هالضحكة نسيت الكذبة ,ولهيت بمشاغل الحياة  < مشكلة البزي ومن
ومر كم يوم , وصدفت ان أخوي مر جنب غرفتي وانا لابسة جلالي وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا وأخوي يصيح ويحب راسي << يالبى حنيتك بسس
أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان اخوي صاحب القلب الكبير
الحمداللللللللله أسلمتي ,الحمداللللللللله أسلمتي 
ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
بس والله رحمته جاني الصياح صدق ,ماأدري هو أن عشت الدور ولا صياحه صيحني
ويمر أبوي قدام هالمشهد التراجيدي وينهبل
وجععععععع خير انهبلتوا ..وش صاير
وأخوي من هول سعادته كب العفش والعشا والقش كله
بنتك أسللللللللللمت أسلللللللمت 
وللأسف انجلدت بعدها التعب عادي مايجي شي عند هالخرطة اللي كبر حمار ومشت على أخوي الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل
بنتك أسللللللللللمت أسلللللللمت
وكل رمضان وأنتو صايمين  ^^وصلتني ع الإيميل من صديقتي و بصراحة ضحكتنـــننننننننننننننننننننني مرررررررررر ةقلت أنزلها لكم ... و ش رايكم ؟  | |
|
وجـــــــــــد
نائب المدير
الوطــن : أسكن في قلب من أحب
ع ـدد مواضيع هذا العضـو : 547
المهــنة : أعلم اللغة التي لا يعرفها الكثيرون
تاريخ التسجيل : 11/03/2009
نقاط : 58036
| | موضوع: رد: في أحد أيام صديقتي في رمضان |.. الثلاثاء سبتمبر 08, 2009 10:10 am | |
| هههههه فكرة حلوة ..احتمال اسويها مع الدلوخ اللي عندي..يا زينك بس موضوع يهبل سلمي على صديقتك | |
|
شوق لاينضب
مشـرفـة
الوطــن : في عالم مختلط بأحساس الشوق الامنتهي..~!
ع ـدد مواضيع هذا العضـو : 591
العمر : 31
المهــنة : تلميذة بين..أכـضـان السطور..~!
تاريخ التسجيل : 30/05/2009
نقاط : 57143
| | موضوع: رد: في أحد أيام صديقتي في رمضان |.. الثلاثاء سبتمبر 08, 2009 3:44 pm | |
| خخخخخخخخخخخخخخخخخخخخخ
ياتسسسسسسسسسبدية
مشششكورة | |
|
أمل الكلمه
عضو نشيط
الوطــن : حيث يتبعثر الشفق
ع ـدد مواضيع هذا العضـو : 268
العمر : 38
المهــنة : غرس ورود الحب في بساتين الصدق
تاريخ التسجيل : 14/06/2009
نقاط : 56641
| |
الرئيسية 
أحدث الصور 
.